Զոհված զինծառայողների աճյունների որոնողական աշխատանքները շարունակվում են։ Օգոստոսի 10-ին, ԱՀ ներքին գործերի նախարարության արտակարգ իրավիճակների պետական ծառայության փրկարարական ջոկատների որոնողական աշխատանքների արդյունքում Վարանդայի (Ֆիզուլի) շրջանում հայտնաբերել և տարհանել են ևս երկու հայ զինծառայողի աճյուն։ Օգոստոսի 5-ին Ջրականի դիրքային հատվածից տարհանվել էր ևս մեկ աճյուն։
Վերջինիս ինքնությունը պարզելու նպատակով նշանակվել է դատաբժշկական փորձաքննություն:
Հադրութի շրջանում հայտնաբերվել են մասունքներ ու տեղափոխել դատաբժշկական բյուրո։ Ամբողջական թիվը գերատեսչությունը կհրապարակի դատաբժշկական փորձաքննությունից հետո։
Օգոստոսի 10-ի տվյալներով որոնողական աշխատանքների արդյունքում հայտնաբերվել է ընդհանուր 1634 աճյուն:
Փրկարար-որոնողական աշխատանքները շարունակվում են:
Թողնել պատասխան