Պատգամավորները հրաժարվեցին օգնել վիրավորներին

20210504_152541

Այսօր ՀՀ Ազգային ժողովը դեմ քվեարկեց պատերազմի մասնակից հաշմանդամներին պատգամավորական գումարներից 80 մլն տարեկան հատկացնելու վերաբերյալ անկախ պատգամավոր Տիգրան Ուրիխանյանի նախագծին։

«Պատգամավորները յուրաքանչյուր ամիս ստանում են 50 հազար դրամի չափով գումար՝ որպես պատգամավորական գործունեության ծախսերի հատուցում։ Ինչպես նախկինում, այնպես էլ հիմա, մեղմ ասած, ոչ բոլոր պատգամավորներն են, որ ծավալում են գործունեություն և ոչ բոլոր պատգամավորներն են, որ ծախսեր են անում»,- նկատեց Ուրիխանյանը։

«Ցավոք սրտի, հանձնաժողովը բացասական եզրակացություն է տվել։ Այդ գումարը տարեկան կտրվածքով կազմում է մոտ 80 մլն դրամ, և վստահաբար առաջին կարգի հաշմանդամություն ունեցող 114 անձինք դրա կարիքն ունեն։ Կցանկանայի, որ լուծարման շեմին կանգնած ԱԺ-ի պատգամավորնը գոնե այդ բարոյական քայլը կատարեին, որ ունենայինք հենց ԱԺ անունից մարդկանց օգնելու հնարավորություն»,- նշեց պատգամավորը։

ԱԺ նախագահ Արարատ Միրզոյանն էլ հայտնեց, որ միայն 2020թ–ին ԱԺ–ը պետական բյուջե է վերադարձրել 400 մլն դրամ, որից իր համոզմամբ, գումար կհատկացվի նաև Արցախյան պատերազմի մասնակիցներին։

Քվեարկության՝ 67 դեմ, 3 կողմ, 5 ձեռնպահ ձայների հարաբերակցությամբ նախագիծը չընդգրկվեց օրակարգում։

Դիտումների քանակը: 3870
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին