Պուտինն ու Փաշինյանը կքննարկեն ԼՂ հակամարտության կարգավորումը

ՀՀ վարչապետ Նիկոլ Փաշինյանն Արևելյան տնտեսական ֆորումի շրջանակներում ՌԴ նախագահ Վլադիմիր Պուտինը հետ կքննարկի Լեռնային Ղարաբաղի հակամարտության կարգավորման հարցը։ Այդ մասին այսօր լրագրողներին հայտնել է ՌԴ ղեկավարի օգնական Յուրի Ուշակովը:

«Նախատեսվում է Լեռնային Ղարաբաղի հակամարտության կարգավորման թեմայով քննարկում։ Ռուսաստանը շարունակում է աջակցություն ցուցաբերել Հայաստանի և Ադրբեջանի միջև հարաբերությունների կարգավորմանը՝ նախագահների եռակողմ պայմանավորվածությունների հիման վրա։ Ռուսական խաղաղապահ զորակազմն ապահովում է անվտանգությունը տարածաշրջանում», — նշել է Ուշակովը` հավելելով, որ կողմերը կքննարկեն նաև ռուս-հայկական հարաբերությունների առանցքային ասպեկտները, ներառյալ առևտրատնտեսական համագործակցության զարգացման հեռանկարները։

Ավելի վաղ հայտնի էր դարձել, որ Նիկոլ Փաշինյանը սեպտեմբերի 7-ին Վլադիվոստոկում կմասնակցի «Բազմաբևեռ աշխարհի ճանապարհին» թեմայով Արևելյան տնտեսական 7-րդ համաժողովի լիագումար նստաշրջանին, որը տեղի կունենա Ռուսաստանի նախագահ Վլադիմիր Պուտինի և այլ պետությունների ղեկավարների մասնակցությամբ:

Դիտումների քանակը: 3908
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին