Հունվարի 13-ին կայացել է Վլադիմիր Պուտինի հեռախոսազրույցը և Ռեջեփ Թայիփ Էրդողանի հետ, որի ժամանակ անդրադարձել են հունվարի 11-ին Ռուսաստանի, Ադրբեջանի և Հայաստանի ղեկավարների եռակողմ հանդիպման հիմնական արդյունքներին։
Հաշվի առնելով Լեռնային Ղարաբաղի շուրջ իրավիճակի ընդհանուր կայունացումը ՝ հաջողվել է համաձայնեցնել այդ ուղղությամբ մի շարք կարեւոր քայլեր։ Այդ մասին հաղորդում է Կրեմլի մամուլի ծառայությունը։
Նույն աղբյուրի փոխանցմամբ, հեռախոսազրույցի ընթացքում Էրդողանը իր աջակցությունն է հայտնել ղարաբաղյան կարգավորման ուղղությամբ Մոսկվայի ջանքերին՝ արտահայտվելով Ռուսաստանի և Թուրքիայի գործողությունների հետագա համակարգման օգտին։
«Զրույցի ընթացքում Պուտինն ու Էրդողանը անդրադարձել են նաև Լեռնային Ղարաբաղում հրադադարի ռեժիմի դիտարկման համատեղ ռուս-թուրքական կենտրոնի ստեղծմանը», — հաղորդում է աղբյուրը։
Քննվել են նաև փոխադարձ ապրանքաշրջանառության ծավալների մեծացման, համագործակցության ընդլայնման, ինչպես նաև համավարակի դեմ պայքարի, այդ թվում պատվաստանյութի համատեղ արտադրության և կիրառման հարցերը։
Թողնել պատասխան