Ավստրալիայի հեռարձակողների կորպորացիայի Սիդնեյի մասնաճյուղը (ABC) շախմատը անվանել է ռասիստական սպորտաձև, քանի որ կանոններով սպիտակ խաղաքարերը միշտ առաջինն են քայլ անում և գերադասում են սևերին, ինչը ռասայական բռնության այլաբանություն է:
Պետական հեռարձակողը, որը ֆինանսավորվում է տեղական հարկ վճարողների կողմից, նախատեսում է քննարկել այս սկանդալային բացումը թոք-շոուի եթերում հայտնի գրոսմայստերների մասնակցությամբ:
Համաշխարհային ամենահին խաղերից մեկի գործող կանոնների համաձայն, որոնք վերջնականապես հաստատվել են 19-րդ դարի վերջում, սպիտակ խաղաքարերով խաղացողը կատարում է առաջին քայլը, իսկ սևերով խաղացողը կատարում է երկրորդը, այնուհետև հակառակորդները քայլ են կատարում հերթականությամբ:
Աշխարհի նախկին չեմպիոն 57-ամյա Գարի Կասպարովը դժգոհողներին խորհուրդ տվեց մեկ այլ խաղ ընտրել:
«Եթե դուք անհանգստացած եք, որ շախմատը ռասիստական խաղ է, ապա խնդրեմ վերցրեք գո, այնտեղ առաջինը քայլում են Սևերը: Ավելի լավ է այդպես անել, քան հիմար թվալ, փող ծախսելով նման «հետաքննությունների» համար», — ասաց Կասպարովը:
Սարկազմով լի մեկնաբանությունների շարքում առանձնանում է նաև հանուն սեռական փոքրամասնությունների առաջարկը՝ թագավորի և թագուհու խաղաքարերը վերանվանման «Նորին Մեծություն N1»-ի և «Նորին Մեծություն N2»-ի ՝ նրանց հավասար հնարավորություններ տալով շախմատի խաղատախտակում:
Հետաքրքրական է, որ 2019-ի մարտին երկու հայտնի գրոսմայստերներ՝ նորվեգացի Մագնուս Կարլսենը և հոլանդացի Անիշ Գիրին, արդեն բարձրացրել են Սպիտակների առաջին քայլի հարցը՝ ՄԱԿ-ի միջազգային օրվա շրջանակներում՝ ռասայական խտրականությունը վերացնելու համար:
«Առաջին քայլի կանոնը երբեք չի վերաբերվել ռասսային կամ քաղաքականությանը, բայց մենք կարող ենք խախտել այն, որպեսզի հաղորդագրություն ուղարկենք բոլորին, ովքեր կարծում են, որ գույնը պետք է առավելություն տա շախմատում կամ կյանքում», — շեշտեց այնուհետև Կարլսենը:
Մոլորակի սևամորթ բնակչության իրավունքների ոտնահարման հարցը նոր խթան ստացավ ԱՄՆ-ում Ջորջ Ֆլոյդի մահից հետո: Տեսանյութում հնչող ռեզոնանսային միջադեպը մասսայական բողոքի ալիք է առաջացրել ամբողջ աշխարհում:
mamul.am
Թողնել պատասխան