Կանադայի վարչապետ Ջասթին Թրյուդոն և Ֆրանսիայի նախագահ Էմանուել Մակրոնը հեռախոսազրույց են ունեցել, որի ընթացքում քննարկել են Լեռնային Ղարաբաղում տիրող իրավիճակը: Տեղեկությունը հայտնում է Կանադայի կառավարության մամուլի ծառայությունը։
Վարչապետ Թրյուդոն իր համերաշխությունն է հայտնել Ֆրանսիայի ժողովրդին՝ վերջին ահաբեկչական հարձակումների և բռնությունների կապակցությամբ։ Առաջնորդները համաձայնել են արտահայտվելու ազատության և մարդու իրավունքների պաշտպանության կարևորության, ինչպես նաև ահաբեկչության և բռնի ծայրահեղականության դեմ պայքարին հավատարիմ մնալու մասին:
Առաջնորդները քննարկել են նաև Լեռնային Ղարաբաղում իրավիճակը և ընդգծել հակամարտության դիվանագիտական կարգավորման կարևորությունը: Նրանք ընդգծել են իրենց հանձնառությունը` շարունակելու աշխատել միասին միջազգային կազմակերպություններում, ինչպիսիք են ՆԱՏՕ-ն, G7- ը և G20- ը:
Թողնել պատասխան