Այսօր՝ Սեպտեմբերի 9-ին Վանի Աղթամար կղզու “Սուրբ Խաչ” եկեղեցում 3 տարվա դադարից հետո Խաչվերացի տոնից մեկ շաբաթ առաջ կրկին պատարագ է մատուցվել։ Վանում “Սուրբ Խաչ” եկեղեցին միակն է պատմական Հայաստանի տարածքում, որի գմբեթը պսակված է խաչով:
Թեև եկեղեցում կարող էր տեղավորել շուրջ 70 մարդ, սակայն այդ օրը կղզում ավելի քան 200 մարդ էր ներկա:
“Սուրբ Խաչ” եկեղեցում պատարագը մատուցել է Կոստանդնուպոլսի Հայոց պատրիարքարանի վիկարին՝ արքեպիսկոպոս Արամ Աթեշյանը։
Նա ընդգծել է Կոստանդնուպոլսի Հունական ուղղափառ եկեղեցու Էկումենիկ պատրիարքի այս արարողության առաջին անգամ մասնակցության կարևորությունը և շնորհակալություն հայտնել նրան:
Նշենք, որ եկեղեցին թուրքական կառավարության ֆինանսավորմամբ վերանորոգվել էր 2010 թվականին և բացվել թանգարանի կարգավիճակով: Եկեղեցու վերանորոգումից հետո հայ համայնքը տարին մեկ անգամ այնտեղ պատարագ անցկացնելու թույլտվություն ունի: Սակայն վերջին երեք տարիներին պատարագներ չէին անցկացվում տարածաշրջանում թուրք-քրդական բախումների պատճառով։
Պատարագ Աղթամար կղզու Սբ. Խաչ եկեղեցում
Опубликовано Ermenihaber.am (հայերեն) Воскресенье, 9 сентября 2018 г.
Ermenihaber.am
Թողնել պատասխան