Ֆուտբոլիստների հետ հանդիպման ընթացքում Ալիևը անդրադարձել է նաև 44-օրյա պատերազմի ընթացքում Ադրբեջանին հանձնված շրջաններում տիրող կացությանը։
«Վստահ եմ, որ մի օր «Ղարաբաղ» ֆուտբոլային ակումբը իր տնային հանդիպումները կանցկացնի Աղդամի [Ակնա] մարզադաշտում», — հայտարարել է Իլհամ Ալիևը։
«Աղդամ քաղաքը ինչ օր է, դուք էլ եք տեսել։ Հիմա դա տեսնում է ամբողջ աշխարհը։ Այդ տարածքները ամբողջությամբ ականապատված էին կամ ավերված։ Մենք 200 մարդ ենք այնտեղ արդեն կորցրել զոհվել են, կամ էլ հաշմանդամ են դարձել։ Արդյո՞ք որևէ եվրոպական կազմակերպություն դատապարտել է Հայաստանին այդ ողբերգության համար, ոչ», — իր ելույթում նշել է Ալիևը վստահեցնելով, որ հազարավոր մարդիկ՝ քաղաքական գործիչներ, պատգամավորներ, հասարակական գործիչներ, լրագրողներ, օտարերկրյա քաղաքացիներ, արդեն եղել են Աղդամում [Ակնայում] և տեսել են այդ ավերածությունները։
Թողնել պատասխան