Այս պահին Արցախի «Արևիկ» բուժմիավորումում 13 երեխա գտնվում է նորածնային և վերակենդանացման բաժանմունքներում։ Այդ մասին հայտնում են ԱՀ Առողջապահության նախարարությունից։
«Հանրապետական բժշկական կենտրոնում 13 բուժառու գտնվում են վերակենդանացման բաժանմունքում, որոնցից 6-ը ծայրահեղ ծանր վիճակում են։ Բժիշկների կողմից կատարվում է հնարավորը հիվանդների վիճակը կայունացնելու համար»,- նշված է հաղորդագրության մեջ։
Հավելենք, որ Լաչինը փակ լինելու պատճառով Արցախի բուժհաստատություններում պլանային վիրահատությունները դեռևս դադարեցված են։
Մինչ օրս Կարմիր խաչի միջազգային կոմիտեի միջնորդությամբ և ուղեկցությամբ Արցախից Հայաստան են տեղափոխել ընդհանուր 13 հիվանդի, որոնցից երկուսը 4 և 2 ամսական երեխաներ են:
Թողնել պատասխան