Քաղաքական հարցերով Իրանի Իսլամական Հանրապետության փոխարտգործնախարար Աբաս Արաքչին Բաքվում հայտարարել է Լեռնային Ղարաբաղում ռազմական գործողությունները դադարեցնելու Իրանի նախաձեռնության մասին։ Այս մասին հայտնում է IRNA լրատվական գործակալությունը։
Հաղորդագրությունում նշված է, որ Իրանի նախագահի հատուկ բանագնացն այսօր Բաքվում է:
«Վերջ դնել Ադրբեջանի հողերի «օկուպացմանը», պաշտպանել ազգային փոքրամասնությունների և մարդու իրավունքները, որոնք համարվում են Իրանի ծրագրի հիմնական գործոնները»,- նշել է դիվանագետը՝ հավելելով, որ ծրագիրը կարող է իրականացվել փուլ առ փուլ։
Նա նաև ասել է, որ ռազմական գործողությունների դադարեցումը և ազդեցիկ երկրների մասնակցությամբ բանակցությունների մեկնարկն իրանական ծրագրի մեկ այլ առանցքային մասն են՝ ընդգծելով, որ Իրանը մտադիր է տարածաշրջանային երկրների հետ խորհրդակցություններ անցկացնել իր ծրագրի շուրջ:
Բացի Բաքվից, Արաքչին կայցելի Մոսկվա, Երևան և Անկարա։
Թողնել պատասխան