Շուշիի շրջանում Արցախի Պաշտպանության բանակի մարտական հենակետերի գնդակոծման, ՊԲ երկու զինծառայողի վիրավորվելու մասին Ռուսաստանի պաշտպանության նախարարությունը շաբաթ երեկոյան հաղորդում է տարածել։ Հաղորդագրության մեջ մասնավորապես նշված է.
«Սեպտեմբերի 17-ին Շուշայի շրջանում արձանագրվել է Լեռնային Ղարաբաղի զինված կազմավորումների դիրքերի ուղղությամբ երեք գնդակոծում։ Հայկական կողմի տեղեկատվությամբ՝ կրակը վարվել է Ադրբեջանի Հանրապետության զինված ուժերի դիրքերից։ Գնդակոծման հետևանքով վիրավորումներ են ստացել Լեռնային Ղարաբաղի զինված խմբավորումների երկու զինծառայողներ», — գրել է Ռուսաստանի ռազմական գերատեսչությունը` հավելելով, որ խաղաղապահ զորախմբի հրամանատարությունը քննություն է իրականացնում կողմերի մասնակցությամբ։
Հիշեցնենք, որ միջադեպի մասին ԱՀ ՊԲ-ն հաղորդագրություն էր տարածել` նշելով միայն մեկ վիրավորի մասին։
Թողնել պատասխան