Իսպանիայում կայացած ԵՄ արտաքին գործերի նախարարների նիստի ժամանակ, ի թիվս այլ հարցերի, քննարկվել է նաև Լեռնային Ղարաբաղում ստեղծված իրավիճակն ու Ադրբեջանի կողմից Լաչինի միջանցքի [Բերձորի միջանցք] արգելափակման հետևանքով առաջացած հումանիտար ճգնաժամը։
Արտգործնախարարների նիստից հետո կայացած մամուլի ասուլիսի ընթացքում ԵՄ արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը կոչ է արել ադրբեջանական իշխանություններին ապահովել Լաչինի միջանցքով [Բերձորի միջանցք] անվտանգ և ազատ տեղաշարժը։
«Մենք կոչ ենք արել Ադրբեջանի իշխանություններին ապահովել անվտանգությունն ու ազատ տեղաշարժը Լաչինի միջանցքով [Բերձորի միջանցք]»,- ասել է Բորելը։
Թողնել պատասխան