Զոհված զինծառայողների աճյունների (մասունքների) որոնողական աշխատանքները շարունակվում են։ Հունվարի 24-ին, ԱՀ ներքին գործերի նախարարության արտակարգ իրավիճակների պետական ծառայության փրկարարական ջոկատների որոնողական աշխատանքներն Արցախի օկուպացված հյուսիսային թևում` Մատաղիսի ուղղությամբ, արդյունք չի տվել։
Սակայն, առավոտյան Շուշիում Ադրբեջանը հայկական կողմին է փոխանցել ռազմագործողությունների ընթացքում Որոտանի հատվածում զոհված ևս մեկ զինծառայողի աճյուն:
Նրա ինքնությունը պարզելու նպատակով նշանակվել է դատաբժշկական փորձաքննություն:
Հունվարի 24-ի տվյալներով որոնողական աշխատանքների արդյունքում հայտնաբերվել է ընդհանուր 1707 աճյուն:
Որոնողական աշխատանքները շարունակվում են։
Թողնել պատասխան