Մարտի 9-ին՝ ժամը 17:50-ի սահմաններում, Ադրբեջանի ԶՈւ ստորաբաժանումները տարբեր տրամաչափի հրաձգային զենքերից կրակ են բացել Գեղարքունիքի մարզի Վերին Շորժա գյուղի ուղղությամբ տեղակայված հայկական դիրքերի ուղղությամբ: Այդ մասին հայտնում են ՀՀ ՊՆ մամուլի ծառայությունից։
«Հայկական կողմը կորուստներ չունի»,–ասվում է ՊՆ հաղորդագրության մեջ:
Նշվում է, որ ժամը 20:00-ի դրությամբ իրադրությունն առաջնագծում հարաբերականորեն կայուն է:
Հիշեցնենք, որ պաշտոնական Բաքուն այսօր մեղադրել է հայկական կողմին, որ իբր մարտի 8-ին և լույս 9-ի գիշերը Հայաստանի զինված ուժերի ստորաբաժանումները կրակ են բացել հայ-ադրբեջանական սահմանագոտու արևելյան հատվածում տեղակայված ադրբեջանական դիրքերի ուղղությամբ, ինչը Հայաստանի ռազմական գերատեսչությունն իրականությանը չհամապատասխանող տեղեկություն է որակել։
Իր հերթին պաշտոնական Ստեփանակերտը ապատեղեկատվություն է համարել Ադրբեջանի պաշտպանության նախարարության հաղորդագրությունը, թե ՊԲ ստորաբաժանումները կրակ են բացել Արցախի Հանրապետության Շուշիի, Մարտունու, Ասկերանի և Քաշաթաղի շրջանների օկուպացված տարածքներում տեղակայված ադրբեջանական դիրքերի ուղղությամբ Ադրբեջանի հաղորդագրությունը։
Թողնել պատասխան