ԱՄՆ կոնգրեսական Բրեդ Շերմանը, անդրադառնալով Արցախի տևական շրջափակմանը, հայտարարել է, որ հայերը հազարավոր տարիներ ապրել են այդ տարածաշրջանում, որն Իոսիֆ Ստալինը չարամտորեն դարձրեց Ադրբեջանի, այլ ոչ թե Հայաստանի մաս: Այդ մասին կոնգրեսականը հայտնել է իր թվիթերյան միկրոբլոգից` հրապարակելով ելույթի մի հատվածը։
Ներկայացուցիչների պալատի արտաքին գործողությունների հատկացումների ենթահանձնաժողովի լսումների ժամանակ կոնգրեսականը նաև կոչ է արել 2024 ֆինասնական տարում ուղիղ մարդասիրական օգնություն տրամադրել Ադրբեջանի շրջափակման մեջ գտնվող արցախցիներին:
«Նրանք մարդասիրական օգնության խիստ կարիք ունեն, և ես հուսով եմ, որ դուք մեծահոգի կգտնվեք և մարդասիրական օգնություն կտրամադրեք Արցախի ժողովրդին»,- ընդգծել է Շերմանը:
Թողնել պատասխան