Ինչպես արդեն բազմիցս նշել ենք Արցախի բնակչության կողմից կապի ծառայությունների (համացանց, բջջային և անշարժ կապ) նկատմամբ դժգոհությունները վեր են ածվել շարժման և այդ շարժումը օրեցօր նոր համախոհներ և կամավորականներ է ընդգրկում իր շարքերը:
Նախաձեռնող խումբը՝ ԱԼՕ-ի ուժեղ կողմերից մեկը համարում է այն, որ յուրաքանչյուր շարժման համախոհ – ակտիվիստ կարող է ներկայացնել շարժման ապագա առաջընթացի իր տեսլականը: Տվյալ պահին շարժման համախոհների կողմից իրականացվում է շարժման պաստառների տեղադրում և գովազդային հոլովակների հեռարձակումը հեռուստատեսությամբ:
Այսպիսով, ԱԼՕ նախաձեռնող խումբը հայտարարում է, որ ունեն ապագա պայքարի հստակ ծրագիր, միաժամանակ նշելով, որ շարժման ձևավորման փուլում նրանք ստացել են բնակչության լիարժեք աջակցությունը:
Աջակցության ամենամեծ ցուցանիշը ԱԼՕ-ն համարում է այն փաստը, որ Ստեփանակերտ քաղաքում ում առաջարկել են շարժման պաստառները տեղադրել իրենց վաճառակետերում, նրանք ոչ միայն դրական պատասխան են ստացել տվյալ վաճառակետի տիրոջից, այլ նաև այդ վաճառակետերի հարևանությամբ գտնվող տնտեսվարող սուբյեկտներից են առաջարկ ստացել պաստառների տեղադրման համար:
Այս պահին ստեղծվել է մի դրություն, երբ տվյալ պաստառների տեղադրման ցանկացողներն ավելի շատ են քան նախատեսված էր: Հաշվի առնելով այդ փաստը, ԱԼՕ-ն սպասում է պաստառների նոր քանակի:
ԱԼՕ շարժման նախաձեռնության թիմը հայտարարում է, որ բոլոր այն անձինք ովքեր ցանկություն կունենան աջակցություն ցուցաբերել շարժմանը կարող են դա կատարել հետևյալ հաշվեհամարների միջոցով՝
ԱՄՆ դոլլարով (USD): MARAT YEGANYAN 1150010830840803 ARMBUSINESSBANK
Եվրոյով (EUR): MARAT YEGANYAN 1150011854674604 ARMBUSINESSBANK
Ռուսական ռուբլով (RUB): ЕГАНЯН МАРАТ СЕРГЕЕВИЧ 1150005430050041 ЗАО “АРМБИЗНЕСБАНК”
Հայկական դրամով (AMD): ԵԳԱՆՅԱՆ ՄԱՐԱՏ ՍԵՐԳԵՅԻ 1150002540900925 “ՀԱՅԲԻԶՆԵՍԲԱՆԿ” ՓԲԸ
Թողնել պատասխան