ԱԼՕ շարժման նախաձեռնող խումբը իր ֆեյսբուկյան էջի միջոցով հանդես է եկել հայտարարությամբ, ուղղված ԱՀ նախագահ Բակո Սահակի Սահակյանին նշելով այն, որ անցել է ավելի քան մեկ ամիս (07.02.2019թ.), ինչ ԱԼՕ շարժման նախաձեռնող խումբը նրան դիմել է գրությամբ: Նրանք ընդգծել են, որ նշված ժամանակահատվածում ոչ մի պատշաճ պատասխան չեն ստացել: ԱԼՕ շարժման նախաձեռնող խումբը հատկապես պրն. Սահակյանի ուշադրությանն է ներկայացրել այն, որ տվյալ հարցը կարևոր է պետության հանդեպ վստահության բարձրացման համար, քանի որ թափանցիկությունը պետականաշինության կարևորագույն բաղկացուցիչներից է:
Ավելի ուշ՝ ԱԼՕ շարժման նախաձեռնող խումբը ԱՀ նախագահ պրն. Բակո Սահակյանին գրավոր ներկայացրել է տեսաուղերձում նշածը, ինչպես նաև, հատուկ ընդգծել է այն, որ լրացուցիչ մեկ անգամ ևս հաստատել են իրենց մտադրությունը ԱՀ նախագահին ուղղված նախորդ գրությամբ նշված բոլոր պահանջների վերաբերյալ: Բացի այդ հիմք ընդունելով ԱՀ Սահմանադրության 59-րդ հոդվածը՝ ավելացրել են ևս մեկը՝ տրամադրել Ղարաբաղ Տելեկոմի ստեղծման համար հիմք հանդիսացած ԼՂՀ անունից ցայսօր անհայտ սուբյեկտի հետ կնքված մենաշնորհի դիրքը երաշխավորող պայմանագրի պատճենը:
ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի կողմից ուղարկված գրությունը
Նամակում նշվել է նաև, որ այդ ժամանակահատվածում ԱԼՕ շարժման նախաձեռնող խմբին ուղարկվել է անհասկանալի, նույնիսկ կասկածելի գրություն ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի կողմից, ինչը նույնպես կից, ծրարով հանդերձ, ուղարկվել է ԱՀ նախագահին:
ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի կողմից ուղարկված գրության ծրարը
ԱԼՕ շարժման նախաձեռնող խմբի դիմումը
Արցախի Հանրապետության նախագահին ուղղված նամակը առ 07.02.2019թ.
Այն հարցին, թե ինչու է ԱԼՕ շարժման նախաձեռնող խումբը ընտրել նման ֆորմատ, խմբի անդամները պատասխանեցին, որ՝
1. գործադիր իշխանության համար պատասխանատու պաշտոնատար անձը ԱՀ նախագահ Բակո Սահակյանն է;
2. խմբի անդամները վստահ են, որ ԱՀ հանրային ծառայությունները և տնտեսական մրցակցությունը կարգավորող պետական հանձնաժողովի կողմից խմբին ուղղված գրության որակը վկայում է, որ այն չի կարող հանդիսանալ հանրապետության նախագահի պատասխանը:
Թողնել պատասխան