Ամենայն Հայոց Կաթողիկոսն ընդունեց ՀՀ-ում ԱՄՆ նորանշանակ դեսպանին

56536171_10156191315751408_357792375147331584_n

Ապրիլի 9-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց Հայաստանի Հանրապետությունում Ամերիկայի Միացյալ Նահանգների նորանշանակ արտակարգ և լիազոր դեսպան տիկին Լին Թրեյսիին:Ամենայն Հայոց Կաթողիկոսն ընդունեց ՀՀ-ում ԱՄՆ նորանշանակ դեսպանին

Նորին Սրբությունն իր շնորհավորանքներն ուղղեց դեսպանին նշանակման առիթով` արդյունավոր առաքելություն մաղթելով Հայաստանում: Ամենայն Հայոց Կաթողիկոսը գոհունակությամբ արձանագրեց Հայաստանի և ԱՄՆ-ի միջև առկա հագործակցությունն ու բարեկամությունը, ինչին կարևոր իր նպաստն է բերում նաև ԱՄՆ հայ համայնքը:

Հանդիպմանն անդրադարձ կատարվեց երկրի առջև ծառացած մարտահրավերներին ու դժվարություններին, ինչպես նաև ղարաբաղյան հակամարտության խաղաղ կարգավորմանն ի նպաստ Հայաստանի և Ադրբեջանի հոգևոր պետերի կողմից ձեռնարկվող խաղաղարար ջանքերին:

Գարեգին Բ Հայրապետը և ԱՄՆ դեսպան Թրեյսին նաև զրուցեցին հայ ժողովրդի կյանքում ինչպես անցյալում, այնպես և այսօր Հայոց Եկեղեցու հոգևոր և ազգապահպան առաքելության մասին:

Դիտումների քանակը: 3746
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին