Առանց թուրքական զենքի Ադրբեջանի համար դժվար կլիներ վերցնել Ղարաբաղը. Չավուշօղլու

Առանց թուրքական զենքի և ռազմական տեխնիկայի Ադրբեջանի համար դժվար կլիներ վերցնել Լեռնային Ղարաբաղը։ Ermenihaber լրատվական գործակալության փոխանցմամբ նախընտրական քարոզարշավի շրջանակներում կայացած հանդիպմանը նման հայտարարություն է արել Թուրքիայի արտգործնախարար Մևլութ Չավուշօղլուն։

Աղբյուրը նշում է, որ թուրք նախարարը հայտարարել է երկրի ռազմարդյունաբերական համալիրի դինամիկ զարգացման մասին։

«Թուրքիան այսօր ռազմարդյունաբերության ոլորտում ազգային և տեղական արտադրությունը բարձրացրել է 80 տոկոսի: Եթե մենք այդ ցուցանիշին չհասնեինք, չարտադրեինք հարվածային ԱԹՍ-ներ, չարտադրեինք ամեն տեսակ ցամաքային, հակաօդային պաշտպանության և հարձակման համակարգեր, այդ թվում՝ ուղղաթիռներ, Ադրբեջանը կդժվարանար վերցնել Ղարաբաղը»,- նշել է թուրք պաշտոնյան:

Չավուշօղլուն հավելել է, որ Թուրքիան կշարունակի զարգացնել սեփական ռազմարդյունաբերական համալիրը՝ նվազեցնելով արտաքին մատակարարումներից կախվածությունը։

Դիտումների քանակը: 3852
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին