Արցախի կառավարությունը բոլորի անունից ծաղիկներ է խոնարհել սուրբ նահատակների հիշատակին

94688217_901563106953928_4576611649040941056_o

“Սիրելի՜ հայրենակիցներ,
Այսօր խնկարկում ենք Հայոց ցեղասպանության մեր սրբադասված նահատակների հիշատակը: 105 տարի առաջ, Թուրքիան պետական մակարդակով ծրագրեց ու իրագործեց մի ամբողջ ազգի՝ հայ ժողովրդի բնաջնջումը:

Դա տեղի ունեցավ քաղաքակիրթ հասարակությունների աչքի առաջ, որոնց երկրների իշխանություններից շատերն առայսօր քաղաքական ու տնտեսական շահը գերադասելով՝ խուսափում են իրավական գնահատականներ հնչեցնելուց: Պատմական փաստերի առջև համառորեն լռում են թուրքական իշխանությունները՝ անհրաժեշտ կամք ու պատասխանատվություն չցուցաբերելով գոնե բարոյական պատասխանատվություն կրելու ցեղասպանության զոհերի հարազատների, ամբողջ հայ ժողովրդի առջև:

На изображении может находиться: небо, дерево и на улице


Եվ այսօր, ավելի քան 2 հազարամյակ Արևմտյան Հայաստանում ապրող հայը զրկված է հայրենիքից, ով օտար ափեր է տարել հայրենազրկվածի, ծնող ու զավակ կորցրածի չդարմանվող ցավը: Եղեռնից մազապուրծ մեր հայրենակիցները, սակայն, կարողացել են նոր ծիլեր արձակել և իրենց վարքով ու բարքով երախտապարտ լինել այն մարդկանց ու երկրներին, որոնք գրկաբաց ընդունել ու պաշտպանել են 20-րդ դարի առաջին հրեշավոր հանցագործությունից:
Հայկական Սփյուռքը մայր Հայաստանի ու Արցախի հետ այժմ իր առաքելությունն է իրականացնում մարդկության հանդեպ իրագործված ոճիրի իրավական գնահատականը ստանալու ուղղությամբ: Հանցագործության ժխտումը հանցագործության շարունակությունն է, եվ միայն ճանաչումն ու դատապարտումը կարող են կանխել նման հանցագործությունների կրկնությունը:

На изображении может находиться: 1 человек, стоит, растение, цветок и на улицеԵվ այսօր մենք կրկին բարձրաձայնում ենք՝ այլևս երբեք…
Սիրելի՛ հայրենակիցներ,
Հաշվի առնելով համավարակով պայմանավորված իրավիճակը՝ Հայոց ցեղասպանության զոհերի հիշատակը առաջին անգամ հարգում ենք՝ խուսափելով հանրային հավաքներից: Արցախի կառավարությունը բոլորիս անունից ծաղիկներ է խոնարհել սուրբ նահատակների հիշատակին՝ հանուն արդարության վերականգնման, ճանաչման ու դատապարտման, հանուն մարդկության դեմ հանցագործությունների բացառման”,- գրել է իր ֆեյսբուքյան էջում Արցախի պետնախարար Գրիգորի Մարիրոսյանը:

Դիտումների քանակը: 3828
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին