Հայաստանի հավաքականը ևս երկու մեդալ ապահովեց Վրաստանում ընթացող բռնցքամարտի պատանիների Եվրոպայի առաջնությունում: Այդ մասին հաղորդում է Հայաստանի բռնցքամարտի ֆեդերացիան։
1/4 եզրափակիչում իր մենամարտը հաղթանակով ավարտեց ու կիսաեզրափակիչ դուրս եկավ 75 կգ քաշային Համլետ Ադամյանը, ով առավելության հասավ Գերմանիան ներկայացնող Ստիվեն Ինդլիկայի նկատմամբ։
Այնուհետև Հայաստանի 3-րդ մեդալը նվաճեց 48 կգ քաշային Սամվել Գրիգորյանը, ով 1/4 եզրափակիչում հաղթեց խորվաթ Բռունո Բաչոյին։
Հիշեցնենք, որ այսօր Հայաստանի առաջին մեդալն ապահովեց 46 կգ քաշային արցախցի Էրիկ Առստամյանը` առավելության հասավ ռումինացի Դանիլ Միհայի նկատմամբ:
Աղբյուրի փոխանցմամբ մեր մարզիկները շատ գրագետ մարտավարությամբ ներկայացան:
Թողնել պատասխան