Ադրբեջանի արտաքին գործերի նախարար Ջեյհուն Բայրամովը կոչ է արել Հայաստանին հրաժարվել իր ապակառուցողական դիրքորոշումից և վերադառնալ բանակցությունների սեղանի շուրջ։
«Հայաստանը պետք է հրաժարվի իր ապակառուցողական դիրքերից և վերադառնա բանակցային սեղան: Չնայած Հայաստանի հրաժարմանը մասնակցել դեկտեմբերին խաղաղ պայմանագրի բանակցություններին և Երևանի կողմից ստեղծած խոչընդոտներին, Ադրբեջանը հավատարիմ է մնում բանակցային գործընթացին»,- Մեծ Բրիտանիայի փոխարտգործնախարար Լեո Դոչերտիի հետ հանդիպման ժամանակ ասել է Բայրամովը:
Կողմերը քննարկել են ադրբեջանա-հայկական հարաբերությունների կարգավորման գործընթացը, խաղաղության պայմանագրի շուրջ բանակցությունների ներկա վիճակը և Լաչինի միջանցքի [Բերձորի միջանցք] շուրջ ստեղծված իրավիճակը։
Ադրբեջանական կողմը բարձր է գնահատել Մեծ Բրիտանիայի ներդրումը Ղարաբաղի և Արևելյան Զանգեզուրի ականազերծման գործում, ինչպես նաև այդ տարածքների վերականգնմանը մասնակցելու երկրի մտադրությունը։
Թողնել պատասխան