Հայաստանի Ազգային անվտանգության ծառայությունը ձերբակալել է առողջապահության փոխնախարարներից մեկին:
Փոխնախարար Արսեն Դավթյանը ձերբակալվել է Հայաստանի Ազգային անվտանգության ծառայության կողմից: Առողջապահության նախարար Արսեն Թորոսյանը այս մասին գրել է Facebook սոցիալական ցանցի իր էջում:
“Այս պահին Հայաստանում չեմ և քիչ առաջ տեղեկացա, որ ԱԱԾ-ն իրականացրել է օպերատիվ հետախուզական միջոցառում, ինչից հետո բերման է ենթարկել իմ տեղակալ Արսեն Դավթյանին։
Այլ մանրամասների այս պահին չեմ տիրապետում։ Կարծում եմ ԱԱԾ-ն պարզաբանում կտա ավելի ուշ”, — գրել է Արսեն Թորոսյանը։
Նշենք, որ առողջապահության նախարարը հիմա գտնվում է արձակուրդում:
Նշենք նաև, որ “Փաստինֆոն” հղում անելով իր աղբյուրներին, տեղեկացրել է, որ փոխնախարարը ձերբակալվել է կաշառք ստանալու պահին:
Թողնել պատասխան