ԵԽ հանձնակատարը անդրադարձել է Լաչինի միջանցքի խնդրին

Screenshot_20221225-214946_Twitter

Եվրոպայի խորհրդի մարդու իրավունքների հարցերով հանձնակատար Դունյա Միյատովիչն իր թվիթերյան միկրոբլոգում անդրադարձել է Լաչինի միջանցքի խնդրին։

«Լաչինի միջանցքի հասարակական կարգի ու անվտանգության ապահովման համար պատասխանատու անձինք պետք է ձեռնարկեն բոլոր անհրաժեշտ քայլերը` ճանապարհով տեղաշարժն անհապաղ վերականգնելու համար»,– գրել է նա իր թվիթերյան միկրոբլոգում` հավելելով որ այդ քայլը պետք է արվի Լեռնային Ղարաբաղում հումանիտար իրավիճակի վատթարացումը կանխելու համար։

ԵԽ հանձնակատարը անդրադարձել է Լաչինի միջանցքի խնդրին

Դունյա Միյատովիչը նաև հրապարակել է Եվրոպայի խորհրդի մարդու իրավունքների հարցերով հանձնակատարի պաշտոնական էջի անդրադարձը։

«Ես ուշադիր հետևում եմ դեկտեմբերի 12-ից Լաչինի միջանցքով անցնող ճանապարհի փակումից հետո Լեռնային Ղարաբաղի շուրջ ստեղծված իրավիճակին։ Ես անհանգստացած եմ, որ մարդկանց տեղաշարժի երկարատև խափանումը, ոմանց թույլ չտալով հասնել իրենց տներ, ինչպես նաև պարենային ապրանքների և ծառայությունների, ներառյալ սննդի մատակարարումների և շտապ բժշկական օգնության հասանելիությունը, սպառնում է Լեռնային Ղարաբաղի բնակչության կողմից մարդու իրավունքների իրացմանը»,- այսօր ասել է Եվրոպայի խորհրդի մարդու իրավունքների հանձնակատար Դունյա Միյատովիչը:

«Ես պատրաստ եմ ներգրավվել բոլոր համապատասխան զրուցակիցների հետ՝ աջակցելու առկա մարտահրավերների հաղթահարմանը»,- հավելել է հանձնակատարը։

Դիտումների քանակը: 3642
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին