Երևանի քաղաքապետարանը դիմելու է ՀՀ կառավարությանը` պահանջելով չեղյալ հայտարարել 2006 թվականի մայիսի 18-ին ընդունված 912-Ն որոշումը, որով համայնքին պարտավորեցնում է օրինականացնել սեփական հողամասերի վրա գտնվող բոլոր չարտոնված շենքերը, եթե դրանք չեն հակասում քաղաքաշինական նորմերին:
Այդ մասին այսօր՝ երեքշաբթի օրը, մամուլի ասուլիսում հայտարարեց Երևանի քաղաքապետ Հայկ Մարությանը:
Մարությանը նշեց, որ ըստ այդ որոշման, պարզվում է, որ եթե երկու ամսվա ընթացքում ձեզ «չբռնեն» անօրինական շինարարության վրա, ապա կարող են «պարզ դեմքով» գալ քաղաքապետարան և օրինականացնել շենքը:
Մարությանը հիշեցրել է, որ նույն կերպ Հանրապետական կուսակցության նախկին պատգամավոր, գործարար Սամվել Ալեքսանյանը փորձեց օրինականացնել իր «Rich Garden» սրճարանը, որը կառուցվել է Ա.Սպենդիարովի անվան ազգային ակադեմիական օպերայի և բալետի թատրոնի հարևանությամբ, քաղաքի կենտրոնում:
Թողնել պատասխան