Ինչպես տեղեկացնում են Արցախի Հանրապետության կրթության, գիտության, մշակույթի և սպորտի նախարարությունից, հանրակրթական դպրոցներում գարնանային արձակուրդների մեկնարկը տրվելու է ավելի վաղ։
«Հանրակրթական դպրոցներում ջեռուցման խնդրով պայմանավորված՝ գարնանային արձակուրդների մեկնարկը տրվելու է մարտի 14-ից»,- նշվում է ԱՀ ԿԳՍՄՆ տարածած հաղորդագրությունում։
Աղբյուրից տեղեկանում ենք, որ 1-ին դասարանցիների արձակուրդը տևելու է մինչև մարտի 27-ը ներառյալ, իսկ 2-12-րդ դասարանցիներինը՝ մարտի 20-ը ներառյալ։
Հիշեցնենք, որ մարտի 8-ի գիշերը` ժամը 01:00-ի սահմաններում, Շուշի-Զառիֆլու հատվածում գազատարի վնասման հետևանքով Արցախի ամբողջ տարածքը զրկված է գազամատակարարումից։
Շատ լավ ծրագիր