Ստեփանակերտի Ազատամարտիկների փողոցում գտնվող նախկին գյուղատնտեսական քոլեջի վթարային շենքի ապամոնտաժման հարցը լայն քննարկում է ստացել հադարակության շրջանում։ Այսօր Ստեփանակերտի քաղաքապետարանն արձագանքել է այդ տեղեկությանը։
«Թյուրընկալումներից ու շահարկումներից խուսափելու նպատակով պարզաբանում ենք՝ դեռևս մինչև 2020թ-ի աշունը, մասնագետ-փորձագետների գնահատմամբ, շենքը գտնվում էր վթարային վիճակում: Առաջադրանքի համաձայն՝ վթարային շենքը պետք էր ապամոնտաժել և նրա տեղում կառուցել պուրակ, բայց դրա վերաբերյալ որևէ ծրագիր չէր քննարկվել ու ընդունվել, – ասված է հաղորդագրության մեջ:
Բացի այդ աղբյուրը նշում է, որ հետպատերազմյան շրջանում առաջադրանքը խմբագրվել է և իրականացվելու է միայն ապամոնտաժման աշխատանքները և տեղանքն ուղղակի հարթեցվելու է: Տարածքի հետագա ճակատագրի կամ այլ նախագծի քննարկման դեպքում Ստեփանակերտի քաղաքապետարանը խոստացավ հանրությունը տեղյակ պահել:
Թողնել պատասխան