Հայաստանի տարածքում հայտնաբերվել և ձերբակալվել է Ադրբեջանի զինված ուժերի զինծառայող: Այդ մասին հայտնում են ՀՀ ՊՄ մամուլի ծառայությունից։
«Ապրիլի 10-ին՝ ժամը 01:00-02:00-ն ընկած ժամանակահատվածում, ՀՀ տարածքում հայտնաբերվել և ձերբակալվել է Ադրբեջանի ԶՈՒ զինծառայող: Ըստ նրա խոսքի, իր հետ եղել է ևս մեկ զինծառայող, որի որոնողական աշխատանքները շարունակվում են»,- նշված է հաղորդագրության մեջ։
Ավելի վաղ Սիսիանի Բնունիս համայնքից լրատվամիջոցներին հայտնել էին, որ ադրբեջանցիները փորձել են մուտք գործել բնակիչներից մեկի տուն, սակայն տանտերը կասկածել է և ահազանգել ոստիկանություն։
Հայտնի է, որ ադրբեջանցիները եղել են զինվորականի հագուստով և խոսել են հայերեն։
Մեկ այլ բնակիչ էլ հայտնել էր, որ ադրբեջանցի զինվորականը մտել է տուն, հաց կերել, տանտիրոջ բաճկոնը հագել ու դուրս եկել տնից։ Իսկ տանտիկինն իմացել է, թե խոհանոցում իր ամուսինն է հաց ուտում, ինքն էլ իր գործերով է զբաղվել։
Հավելենք նաև, որ ադրբեջանական մամուլը հայտնել էր, որ Նախիջևանում երկու ադրբեջանցի զինծառայողներ անհետ կորել են։ Համաձայն աղբյուրի, նրանք մոլորվել են անբարենպաստ եղանակի պատճառով, քանի որ տարածքում սահմանափակ տեսանելիություն է եղել։
Թողնել պատասխան