Սեպտեմբերի 4-ին Տրանսպորտի և կապի նախարար Աշոտ Հակոբյանը պարզաբանեց իրավիճակը կապված Վրաստանի տարածքով ցորենի տարանցման զեղչի հետ:
Վրաստանում սեպտեմբերի 15-ից արգելվում է ցորենի կամ ցորենի ալյուրի ներմուծումը կամ արտահանումը ավտոճանապարհային տրանսպորտով: Այդ որոշումը վերաբերվում է բոլոր այն երկրներին, որոնք իրականացնում էին այդ փոխադրումները Վրաստանի տարածքում։
“Մենք եկել ենք վերջնական պայմանավորվածության Վրաստանի հետ՝ երկաթուղային ծառայությունների համար մոտ 52% զեղչ կհատկացվի, սկսած արդեն սեպտեմբերի 1-ից։
Ինչի արդյունքում հայկական բեռնափոխադրողներն ամեն մի տոննայի համար կվճարեն 24 դոլար պակաս”,- հայտնել է նախարարը:
Ինչպես նշել է նախարարը՝ Վրաստանի հետ բանակցությունները դեռ շարունակվում են առանձին դեպքերում ավտոմոբիլային տրանսպորտային միջոցների օգտագործման թույլատրելիության վերաբերյալ:
Թողնել պատասխան