Ադրբեջանի ԶՈւ ստորաբաժանումները ժամը 16:00-ի սահմաններում կրակ են բացել Տեղ համայնքի ուղղությամբ ինժեներական աշխատանքներ իրականացնող ՀՀ ԶՈւ զինծառայողների ուղղությամբ, հայկական կողմը դիմել է պատասխան գործողությունների: Այդ մասին հայտնում են ՀՀ պաշտպանության նախարարության մամուլի ծառայությունից։
«Նախնական տվյալներով` հայկական կողմն ունի զոհեր և վիրավորներ»,– նշված է հաղորդագրության մեջ:
«Ժամը 17:30-ի սահմաններում նույն ուղղությամբ Ադրբեջանի ԶՈՒ ստորաբաժանումները կիրառել են ականանետային միջոցներ: ԶՈՒ ստորաբաժանումները ձեռնարկում են անհրաժեշտ պաշտպանական միջոցներ: Պաշտպանության նախարարությունը հանդես կգա լրացուցիչ հաղորդագրությամբ»,– հավելել են ռազմական գերատեսչությունից:
Պաշտպանության նախարարությունը նշում է, որ հանդես կգա լրացուցիչ հաղորդագրությամբ:
Պաշտոնական Բաքվի պնդմամբ՝ Տեղ համայնքում տեղակայված հայկական ուժերը «հրաձգային զենքից ակտիվորեն գնդակոծել են Լաչինի [Բերձոր] ուղղությամբ գտնվող հանդիպակաց ադրբեջանական դիրքերը»։
Թողնել պատասխան