ՀՀ պաշտպանության նախարար Արշակ Կարապետյանն ազատվել է զբաղեցրած պաշտոնից։ ՀՀ նախագահ Արմեն Սարգսյանն այդ մասին համապատասխան հրամանագիր է ստորագրել։
«Հիմք ընդունելով վարչապետի առաջարկությունը՝ համաձայն Սահմանադրության 131-րդ հոդվածի, ինչպես նաև «Կառավարության կառուցվածքի և գործունեության մասին» օրենքի 5-րդ հոդվածի 1-ին մասի` Արշակ Կարապետյանին ազատել պաշտպանության նախարարի պաշտոնից»,– նշված է փաստաթղթում:
Նախագահի մեկ այլ հրամանագրով էլ Սուրեն Պապիկյանն ազատվել է փոխվարչապետի պաշտոնից։
Արմեն Սարգսյանը ՀՀ պաշտպանության նախարար է նշանակել Պապիկյանին։
Հիշեցնենք` Արշակ Կարապետյանը ՀՀ պաշտպանության նախարար էր նշանակվել 2021թ. օգոստոսի 2-ին։
Թողնել պատասխան