Հրադադարի ռեժիմն Ադրբեջանը խախտել է 3 անգամ. ՌԴ ՊՆ

Խաղաղապահ

Անցած մեկ օրվա ընթացքում ԼՂ-ի ռուսական խաղաղապահ զորախմբի պատասխանատվության գոտում ադրբեջանական զինուժը հրադադարի ռեժիմի խախտել է երեք անգամ։ Այդ մասին օգոստոսի 2-ին հայտնել է ՌԴ ՊՆ մամուլի ծառայությունը։

Նշվում է, որ հրադադարի ռեժիմի խախտման հետևանքով վիրավորվել է հայ զինծառայող։

Ռուս խաղաղապահների հրամանատարությունը հայկական և ադրբեջանական կողմերի ներկայացուցիչների հետ համատեղ հանգուցալուծել է իրավիճակը։ Կողմերի շփման գծում փոփոխություններ չեն թույլատրվել։

«Ռուս խաղաղապահների անվտանգությունն ապահովելու և հնարավոր միջադեպերը կանխելու համար շարունակական փոխգործակցություն է պահպանվում Ադրբեջանի և Հայաստանի զինված ուժերի գլխավոր շտաբների հետ»,- հավելում է աղբյուրը։

Դիտումների քանակը: 4161
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին