“Երեկ ինձ վերականգնել են որպես թատրոնի տնօրեն”,- ասաց Սպենդիարովի անվան Հայաստանի Օպերայի և բալետի ակադեմիական թատրոնի գեղարվեստական ղեկավար Կոնստանտին Օրբելյանը փետրվարի 11-ին, ասուլիսի ժամանակ:
«Ինչպես գիտեք, ես հաղթեցի դատը, որից հետո նախարարությունը հայց ներկայացրեց Վերաքննիչ դատարան, որը մերժվեց: Այսօրվանից ես պաշտոնապես սկսում եմ իմ աշխատանքը: Մենք պետք է աշխատենք հետագա ծրագրերի վրա, իմ պայմանագիրը մինչև օգոստոսի 3-ն է: Այնպես որ, շատ ժամանակ չկա, հուսով եմ, որ մենք կկարողանանք իրականացնել բոլոր ծրագրերը », — ասաց Օրբելյանը:
Հարցին՝ թե ո՞րն է նախարարության արձագանքը այս ամենի վերաբերյալ, երաժիշտը պատասխանեց, որ վաղը պետք է ժողով լինի, որտեղ տեսանելի կլինի ամեն ինչ:
«Ես արդեն կիսվել եմ այս լուրով թատրոնի անձնակազմի հետ։ Ինչպես ցանկացած կոլեկտիվում, ինչ-որ մեկը շատ ուրախացավ այդ լուրով, իսկ ինչ-որ մեկը՝ ոչ այնքան: Դա բնական գործընթաց է», — շեշտեց Կոնստանտին Օրբելյանը:
Թողնել պատասխան