ՆԱՏՕ-ն կոչ է անում անհապաղ դադարեցնել ռազմական գործողություններն հայկական և ադրբեջանական ուժերի միջև: Այդ մասին իր թվիթերյան միկրոբլոգում գրառում է արել Հարավային Կովկասի և Կենտրոնական Ասիայի հարցերով ՆԱՏՕ-ի գլխավոր քարտուղարի օգնական Խավիեր Կոլոմինան:
«ՆԱՏՕ-ն կոչ է անում անհապաղ դադարեցնել ադրբեջանական և հայկական ուժերի միջև ռազմական գործողությունները: Մենք խորապես ցավում ենք մարդկային կորուստների համար և երկու կողմերին կոչ ենք անում թուլացնել լարվածությունն ու բանակցությունների սեղանի շուրջ վերադառնալ։ ՆԱՏՕ-ն աջակցում է Հայաստանի և Ադրբեջանի հարաբերությունների կարգավորմանը», — գրել է Խավիեր Կոլոմինան:
Հիշեցնենք, որ Եվրամիությունն ու ԱՄՆ պետդեպարտամենտը ևս Հայաստանին և Ադրբեջանին կոչ են արել դադարեցնել ռազմական գործողությունները և վերսկսել բանակցությունները։
Զսպվածության կոչ է արել նաև ՀԱՊԿ քարտուղար Ստանիսլավ Զասը։
Թողնել պատասխան