Աշխատանքային այցով Բրյուսելում գտնվող ՀՀ վարչապետ Նիկոլ Փաշինյանը Եվրոպական խորհրդի նախագահ Շառլ Միշելի հետ առանձնազրույցում ներկայացրել է ադրբեջանական ստորաբաժանումների վերջին գործողությունների հետևանքով Արցախում ստեղծված իրավիճակը, հումանիտար խնդիրներն ու ընդգծել միջազգային հանրության հասցեական արձագանքի անհրաժեշտությունը: Այդ մասին հայտնում է ՀՀ կառավարության մամուլի ծառայությունը։
Կողմերը հույս են հայտնել, որ այսօրվա եռակողմ բանակցությունները կլինեն արդյունավետ, ինչը կնպաստի կայունությանն ու խնդիրների համապարփակ կարգավորմանը:
Զրուցակիցներն անդրադարձել են այսօր նախատեսված Փաշինյան–Միշել–Ալիևի եռակողմ հանդիպմանը և կարևորել երկխոսության շարունակականությունը:
ՀՀ վարչապետն ու Շառլ Միշելը մտքեր են փոխանակել նախորդ տարվա դեկտեմբերի 14-ին Բրյուսելում կայացած եռակողմ հանդիպմանը ձեռք բերված պայմանավորվածությունների կատարման ընթացքի վերաբերյալ:
Նիկոլ Փաշինյանը Շառլ Միշելի հետ քննարկել է նաև Հայաստան-ԵՄ երկկողմ օրակարգին վերաբերող հարցեր, մասնավորապես, ԵՄ-ի կողմից Հայաստանի համար հայտարարված 2.6 միլիարդ եվրոյի տնտեսական և ներդրումային պլանի իրագործման ընթացքը:
Որոշ տվյալներով եռակողմ հանդիպումը կմեկնարնի հայկական ժամանակով 21։00-ին։
Թողնել պատասխան