Նախօրեին Պետդումայի պատգամավոր Յուրի Շվիտկինը, մեկնաբանելով Հայաստանի պաշտպանության նախարարի պաշտոնակատար Դավիթ Տոնոյանի հայտարարությունը Հայաստանի անվտանգության ապահովման գործում Ռուսաստանի կարևոր դերակատարության մասին, հավաստիացրեց, որ ռազմական սպառնալիքի դեպքում Ռուսաստանը կպաշտպանի Հայաստանը:
ԱՊՀ երկրների ինստիտուտի փոխտնօրեն, ռուս ռազմական փորձագետ Վլադիմիր Եվսեևը գտնում է, որ նման սպառնալիքը կարող է գալ Թուրքիայից և Ադրբեջանից:
“Դա կարող է լինել, օրինակ,Ղարաբաղի խնդրի լուծման փորձ Լեռնային Ղարաբաղի գոտում լայնամասշտաբ հարձակում կազմակերպելու միջոցով, այնուհետև, այդ հակամարտությանը կմիանա նաև Թուրքիան:Այն դեպքում, երբ Հայաստանի հանդեպ ռազմական սպառնալիք է առաջանում, Ռուսաստանը կօգտագործի Հայաստանում զորքերի համատեղ խմբավորումը, որի ղեկավարությունը պատերազմի ընթացքում անցնում է հայկական կողմից ռուսական կողմին: Ռազմական գործողությունները սկսվելուն պես, Ռուսաստանը կամրապնդի այդ խումբը հարավային ռազմական շրջանի զորքերի հաշվին: Միևնույն ժամանակ, կկազմակերպվի Հայաստանի տարածքի պաշտպանությունը, օդային տարածքի փակումը և անհրաժեշտության դեպքում ուժային ապահովում սահմանի պաշպանության համար։ Սա երևում է նաև զորքերի համատեղ խմբերի մեջ անցկացվող զորավարժություններից: Այսինքն, դա է իրականության արտացոլումը, և միայն դա է խանգարում ինչպես Ադրբեջանին, այնպես էլ Թուրքիային:”,- հայտարարել է Եվսեևը։
Փորձագետը նշել է, որ պատգամավոր Յուրի Շվիտկինի խոսքերը արտացոլում են Ռուսաստանի պաշտոնական դիրքորոշումը և հիշեցրել Երևանի վրա հարձակում գործելու Իլհամ Ալիևի ցանկության մասին:
armedia.am
Թողնել պատասխան