Ռուսական պատվիրակությունը ժամանել է Բելառուս՝ ուկրաինացիների հետ բանակցությունների համար։ Այդ մասին տեղեկացրել է ՌԴ նախագահի մամուլի քարտուղար Դմիտրի Պեսկովը:
Նրա խոսքով` ռուսական պատվիրակության կազմում ընդգրկված արտաքին գործերի, պաշտպանության նախարարությունների, այլ գերատեսչությունների, այդ թվում՝ նախագահի աշխատակազմի ներկայացուցիչները Գոմելում պատրաստ սպասում են բանակցությունների մեկնարկին։
Դեռ փետրվարի 25-ին Բելառուսի նախագահ Ալեքսանդր Լուկաշենկոն ՌԴ նախագահ Վլադիմիր Պուտինի հետ զրույցում նշել էր, որ Մինսկը պատրաստ է հակամարտող կողմերին հարթակ տրամադրել բանակցությունների համար և ապահովել պատվիրակների անվտանգությունը։
Հայտարարությունից որոշ ժամանակ անց Ուկրաինայի նախագահ Վլադիմիր Զելենսկին իր ֆեյսբուքյան էջից հայտարարել է, որ ուկրաինայի պատվիրակությունը պատրաստ չէ բանակցության մեկնել մի երկիր, որի տարածքից Ուկրաինան հրետակոծվում է և պատրադտականություն է հայտնել բանակցել ՌԴ-ի հետ ցանկացած այլ պետության ցանկացած քաղաքում։
Թողնել պատասխան