Այսօր՝ սեպտեմբերի 2-ին, Ստեփանակերտ քաղաում մեծ շուքով նշում են Արցախի Հանրապետության անկախության 27-րդ տարեդարձը։
Ինչպես ամեն տարի, այնպես էլ այս տարի Արցախի Հանրապետության բնակիչները և Հայաստանի Հանրապետությունից և այլ երկրներից ժամանած հյուրերը այցելեցին Ստեփանակերտի հուշահամալիր և ծաղկեպսակներ դրեցին Արցախյան ազատամարտում զոհված ազատամարտիկների հիշատակը հավերժացնող հուշարձանին։
Երթին ներկա էին ԱՀ նախագահ Բակո Սահակյանը և կառավարության ներկայացուցիչները։
Այս տարի Երևանից Արցախյան տոնին մասնակցելու ժամանել էին՝ ՀՀ նախագահ Արմեն Սարգսյանը, Զորի Բալայանը, Էդուարդ Շարմազանովը, Հովիկ Աբրահամյանը և այլ բարձրաստիճան պաշտոնատար անձիք։
Հիշեցնենք, որ 1991 թվականի սեպտեմբերի 2-ին Ստեփանակերտում տեղի ունեցավ պատգամավորների մարզային և Շահումյանի շրջանային խորհրդի համատեղ նստաշրջան, ուր ընդունվեց «Հռչակագիր Լեռնային Ղարաբաղի Հանրապետության հռչակման մասին»։
Նույն թվականի դեկտեմբերի 10-ին տեղի ունեցավ հանրաքվե, որը հաստատեց Լեռնային Ղարաբաղի անկախությունը։ Այդ օրը ԼՂՀ բնակչության 80%-ը մասնակցեց հանրաքվեին, որոնց 99%-ից ավելին քվեարկեց հօգուտ անկախության։
Այսօր նախատեսված են նաև այլ տոնական միջոցառումներ, որոնց թվում են՝ ազգագրական պարերի բաց դասը, ասեղնագործության և բրուտագործության վարպետության դասերը, իսկ երեկոյան՝ ժամը 20․00-ին տեղի կունենա տոնական համերգ, որը կավարտվի հրավառությամբ։
Լուսանկարները՝ Arcakh24.info -ի։
Թողնել պատասխան