Եվրախորհրդի ղեկավար Շառլ Միշելը Թուրքիայի նախագահ Ռեջեփ Թայիփ էրդողանի հետ G20 գագաթնաժողովի շրջանակներում քննարկել է նաև տարածաշրջանային իրավիճակը, մասնավորապես հայ-ադրբեջանական հարաբերությունները։ Այդ մասին Միշելը հաղորդագրություն է տարածել իր թվիթերյան [X] միկրոբլոգից։
«G20-ի շրջանակներում Թուրքիայի նախագահ Էրդողանի հետ հանդիպմանը քննարկվել է ԵՄ-Թուրքիա հարաբերությունների ողջ փաթեթը, Սևծովյան հացահատիկային նախաձեռնությունը և տարածաշրջանային իրավիճակը, մասնավորապես՝ Հայաստան-Ադրբեջան»,- գրել է Միշելը։
Ավելի վաղ Ադրբեջանի նախագահ Իլհամ Ալիևը զանգել էր Էրդողանին, ինչից հետո Թուրքիայի նախագահը հայտարարել էր, որ սխալ է համարում Լեռնային Ղարաբաղում Հայաստանի գործողությունները (նկատի ունենալով Արցախի նախագահի ընտրությունները), ինչի առնչությամբ պատրաստվում է սեպտեմբերի 11-ին հեռախոսազրույց ունենալ ՀՀ վարչապետ Նիկոլ Փաշինյանի հետ։
Թողնել պատասխան