Այսօր ժամը 15։00-ի սահմաններում Շուշի քաղաքի մոտակա խաչմերուկում ադրբեջանցիների կողմից արձակված կրակոցներից նույն վայրում ջրատար խողովակների վրա աշխատանքներ կատարող քաղաքացիական անձինք են վիրավորվել, ունենք նաև զոհ: Այդ մասին հաղորդում է ԱՀ Ազգային անվտանգության ծառայությունը։
«Ստեփանակերտի հիվանդանոց է տեղափոխվել չորս քաղաքացիական անձ, որոնցից մեկը մահացել է, երեքին ցուցաբերվում է բժշկական օգնություն», — նշում է ԱՀ ԱԱԾ-ն:
ԱԱ ծառայությունը նաև նշում է, որ դեպքի հանգամանքները պարզելու ուղղությամբ այս պահին ազգային անվտանգության ծառայության, ոստիկանության օպերատիվ խմբերի և քննչական կոմիտեի քննիչների կողմից կատարվում են օպերատիվ-հետախուզական և քրեադատավարական միջոցառումներ:
Թողնել պատասխան