Ստեփանակերտում հայտնվել է մուսուլմանական խորհրդանիշներով արձան

Screenshot_20210523-170305_Gallery

Ստեփանակերտի հանրահայտ և արցախցուն խորհրդանշող «Մենք ենք մեր սարերը» հուշարձանի հարակից տարածքում  առեղծվածային ձևով հայտնված բանալու տեսքով արձանը համացանցում բուռն քննադատությունների արժանացավ։ Այս պահին դեռ հայտնի չէ ո՛չ արձանը տեղադրողի , և ո՛չ էլ նրա հեղինակի անունը։

Մտահոգ քաղաքացիների թիվը շատ է։ Այդ կապակցությամբ «Օրբելի» կենտրոնի նախկին փորձագետ Անդրանիկ Հովհաննիսյանը պաշտոնապես դիմել է Ստեփանակերտի քաղաքապետարանին` պարզելու քաղաքացիներին մտահոգող հարցերը։

«Օրերս Ստեփանակերտում տեղադրվեց մի տարօրինակ հուշարձան՝ ինը թևանի աստղ, որը Բահայի աղանդի խորհրդանիշն է (կենտրոնը գտնվում է Իսրայելի Հայֆա քաղաքում) և Համսա ամուլետը (մուսուլմանները այս խորհրդանիշն անվանում են նաև «Ֆաթիմայի ձեռքը», իսկ հրեաները՝ «Մարիամի ձեռքը»): Ես փորձեցի պատասխաններ ստանալ տեղի բնակիչներից, բայց ոչ ոք չի հասկանում այս հուշարձանի իմաստը: Խնդրում եմ Արցախում բնակվող մեր հայրենակիցներին կապվել Ստեփանակերտի քաղաքապետարանի հետ, որպեսզի պարզենք այս հուշարձանի հեղինակի անունը և Արցախում տեղադրման նպատակը»,- գրել է միջազգային փորձագետ։

Ստեփանակերտի քաղաքապետարանն իր ֆեյսբուքյան էջից ոչ հստակ տեղեկություններ է հրապարակել` անհայտ թողնելով արձանի հեղինակի և նախաձեռնողի ինքնությունը։

«Հարգելի հայրենակիցներ, Ստեփանակերտի «Մենք ենք մեր սարերը» հուշարձանի տարածքում տեղադրված բանալու տեսքով արձանի շուրջ սոցցանցերում տարաբնույթ քննարկումներին ի պատասխան՝ տեղեկացնում ենք, որ ընթանում են քննարկումներ հասարակական և գիտական շրջանակներում՝ այդ արձանը տվյալ տարածքում տեղադրելու նպատակահարմարության շուրջ: Սպասում ենք մասնագիտական եզրակացությանը՝ վերջնական որոշում կայացնելու համար», – ասվում է քաղաքապետարանի հայտարարությունում։

Դիտումների քանակը: 4014
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Հեղինակի մասին