Մերկասառույցի պատճառով Երևան — Մեղրի ավտոճանապարհի 164-րդ կմ-ին արգելափակվել է մոտ 100 ավտոմեքենա, 12 ավտոմեքենա բախվել են և մեկ «ԿամԱԶ» մակնիշի ավտոմեքենա մոտ 30 մ սահել ձորը: Այդ մասին հաղորդում է ՀՀ ԱԻՆ մամուլի ծառայությունը։ Աղբյուրի փոխանցմամբ երթևեկությունը երկկողմանի փակվել էր։
Դեպքի վայր են մեկնել ՀՀ ԱԻՆ ՓԾ մարզային փրկարարական վարչության օպերատիվ խումբը, հրշեջ-փրկարարական ջոկատից և հենակետից մեկական մարտական հաշվարկ։
«Հրշեջ-փրկարարները «Վայքի ՃՇՇ» ՓԲԸ-ի աշխատակիցների հետ համատեղ ուժերով արգելափակումից դուրս են բերել 20 մարդատար և 5 բեռնատար ավտոմեքենա․երթևեկությունը միակողմանի վերականգնվել է։ Մարզային փրկարարական վարչության օպերատիվ խումբը Մ-2 ավտոճանապարհի Երևան — Մեղրի հատվածի 165-րդ կմ-ին գտնվող «Opel» մակնիշի ավտոմեքենայի վարորդին և ուղևորին տեղափոխել է հրշեջ-փրկարարական ջոկատի հենակետ։Այնուհետև հրշեջ-փրկարարները ևս 4 քաղաքացու տեղափոխել են հենակետ՝ գիշերակացի»,–նշված է հաղորդագրության մեջ։
Թողնել պատասխան