Ս.թ. հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել N զորամասի պարտադիր ժամկետային զինծառայող, շարքային Պալյան Ջիվանի Պողոսյանը: Այդ մասին հաղորդում է ՀՀ Պաշտպանության նախարարության մամուլի ծառայությունից։
«Զինծառայողը նույն օրը ռեանիմոբիլով տեղափոխվել է Այրվածքաբանության ազգային կենտրոն։ Պայմանավորված տվյալ ախտահարման դեպքում հիվանդության զարգացման փուլային ընթացքով և այրվածքային ախտահարման ժամանակ հաճախակի հանդիպող հեռակա բարդություններով’ զինծառայողի առողջական վիճակում դիտարկվել է վատթարացում, ներկայումս այն գնահատվում է ծայրահեղ ծանր»,- նշել է ռազմական գերատեսչության տարածած հաղորդագրության մեջ:
Հայտնի է, որ դեպքը տեղի է ունեցել դիրքի վագոն-տնակում առաջացած հրդեհը մարելու հետևանքով:
Թողնել պատասխան