Սեպտեմբերի 16-ի գիշերը ադրբեջանական զինված ուժերը կրակ են բացել ոչ թե Կոթի (Տավուշ) գյուղի ուղղությամբ, այլ հիմնականում կրակել են Պաշտպանության նախարարության 3-րդ բանակային կորպուսի ուղղությամբ:
Նրանք հիմնականում կրակել են հրաձգային զենքերից: Հայկական կողմի գործողությունների արդյունքում թշնամին լռել է: Այս մասին լրագրողներին հայտնեց ՊՆ մամուլի քարտուղար Արծրուն Հովհաննիսյանը:
Կեսգիշերին սկսված 40 րոպեանոց ռմբակոծության արդյունքում ոտքից վիրավորվել է Կոթի գյուղի բնակիչ Սուրեն Սեփխանյանը (1957 թ.): Նրա կյանքը վտանգի տակ չէ:
ՀՀ վարչապետ Նիկոլ Փաշինյանը հեռախոսազրույց է ունեցել Սուրեն Սեփխանյանի հետ։
“Հենց նոր հեռախոսով զրուցեցի Կոթիում վիրավորված Սուրեն Սեփխանյանի հետ:
Ոտքից է վիրավորվել, ոսկորը չի վնասվել: Ասում էր՝ լավ է: Ինձ ասում էր՝ դուխդ չգցես:) “,- գրել է վարչապետը իր ֆեյսբուքյան էջում։
Թողնել պատասխան