Հայաստանի Հանրապետության վարչապետի պաշտոնակատար Նիկոլ Փաշինյանը իր արցախյան այցի շրջանակներում, նոյեմբերի 4-ին Արցախի Հանրապետության նախագահ Բակո Սահակյանի հետ այցելել են Արցախի արևելյան սահմանագծի մի շարք հատվածներ՝ ծանոթացել զինվորների ծառայության ընթացքին և սահմանագծում առկա օպերատիվ իրավիճակին:
Ինչպես նշեց Նիկոլ Փաշինյանը՝ հրադադարի ռեժիմի խախտման դեպքերը սահմանագծում մինիմալ են և հիմնականում նպատակային չեն, այնուամենայնիվ պետք է պատրաստ լինել իրադարձությունների ցանկացած զարգացմանը:
“Ակտիվորեն քննարկում ենք սննդի ապահովման հետ կապված խնդիրները։ Կենցաղային հարցերի լուծման գործում հրամանատարության ներգրավվածությունը նրանց անպատեհորեն շեղում է զուտ մարտական պատրաստվածության խնդիրների լուծումից, և մենք խնդիր ունենք, որպեսզի զինվորականությունը զբաղվի բացառապես զինվորական գործով, իսկ կենցաղային ապահովման հարցերում այդքան շատ ժամանակ և էներգիա չծախսի”,- ասել է վարչապետի պաշտոնակատար Նիկոլ Փաշինյանը։
Նիկոլ Փաշինյանը և Բակո Սահակյանը զրուցել են զինծառայողների հետ՝ լսել հրամանատարների և շարքային կազմի կարծիքը տարբեր հարցերի շուրջ: Նիկոլ Փաշինյանը վստահեցրել է, որ ամեն ինչ արվելու է նախ և առաջ զինվորների հարմարավետության համար:
Թողնել պատասխան