Ժամը 24:00-ի դրությամբ Արցախից Հայաստան մուտք է գործել բռնի տեղահանված 1510 քաղաքացի: Այդ մասին հայտնում են ՀՀ կառավարության մամուլի ծառայությունից։
«Նրանցից 1060-ի վերաբերյալ հաշվառման տվյալներն ամփոփված են, իսկ 450-ի կարիքների գնահատումը նույնականացման փուլում է»,- նշված է հաղորդագրության մեջ:
Տեղեկացվում է, որ 1060 հաշվառվածներից 503-ը ցանկացել են մեկնել իրենց կողմից որոշված կեցության վայրեր, իսկ 557-ին հատկացվել է կառավարության կողմից առաջարկված կեցավայր (մի մասի տեղավորումը դեռևս ընթացքի մեջ է): Աջակցության կարիքների նպատակով հաշվառումը շարունակվում է։
Թողնել պատասխան