Ասկերանի շրջանում թշնամին կրակել է քաղաքացու ուղղությամբ

Տրակտոր

Ասկերանի շրջանում ադրբեջանցիները կրակել են գյուղատնտեսական աշխատանքներ կատարող քաղաքացու ուղղությամբ։ Այդ մասին հայտնում են ԱՀ ներքին գործերի նախարարության ոստիկանությունից։

«Մայիսի 5-ին, ժամը 10:55-ին, ոստիկանության Ասկերանի շրջանային բաժնում հաղորդում է ստացվել, որ Վարդաձոր գյուղի վարչական տարածքում, Ա. Վահանյանը տրակտորով գյուղատնտեսական աշխատանքներ իրականացնելիս, ադրբեջանական մարտական դիրքերից կրակել են իր ուղղությամբ»,- նշված է հաղորդագրության մեջ:

Դեպքի վայր մեկնած Ասկերանի շրջանային բաժնի ծառայողները պարզել են, որ Ա.Վահանյանը (ծնված 1971թ.) Ասկերանի շրջանի Վարդաձոր գյուղի վարչական տարածքում` իրեն պատկանող նռան այգում «КТЗ-90» մակնիշի թրթուռավոր տրակտորով, գյուղատնտեսական աշխատանքներ իրականացնելիս է եղել, երբ հարակից ադրբեջանական մարտական դիրքերից հրաձգային տարբեր տրամաչափի զինատեսակներով կրակել են տրակտորի ուղղությամբ։

Միջադեպի հետևանքով գյուղատնտեսական աշխատանքները դադարեցվել են:

Հաղորդումը փոխանցվել է ռուսական խաղաղապահ զորակազմին։

Դիտումների քանակը: 3762
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին