Բաքուն և Անկարան քննարկել են ռազմական համագործակցության հարցեր

Պ Ն ազ

Ադրբեջանի պաշտպանության նախարար Զաքիր Հասանովը Բաքվում հանդիպել է Թուրքիայի զինված ուժերի գլխավոր շտաբի պետ Յաշար Գյուլերին։ Այդ մասին հաղորդում է Ադրբեջանի պաշտպանության նախարարությունը։

Հանդիպումը կայացել է ADEX-2022 միջազգային պաշտպանական ցուցահանդեսի շրջանակներում։ Ադրբեջանի ռազմական գերատեսչության փոխանցմամբ՝ Գյուլերն ու Հասանովը քննարկել են տարածաշրջանային անվտանգության, պաշտպանական և ռազմատեխնիկական ոլորտում գործակցության հարցեր:

Կարևորվել է նաև համատեղ զորավարժություններում տեխնոլոգիական նորարարությունների կիրառումը։

Ավելի վաղ Ադրբեջանի պաշտպանական արդյունաբերության նախարար Մադաթ Գուլիևը հայտարարել էր Բաքվի և Անկարայի միջև ռազմատեխնիկական ոլորտում հաջող համագործակցության մասին` նշելով, որ երկրները համատեղ մշակում են սպառազինության համակարգեր, որոնք նախատեսված են առաջիկա 20 տարիների համար։

Դիտումների քանակը: 3587
Հետրեք մեզ telegram-ի միջոցով: @arcakh24
Մեկնաբանել կայքում
մեկնաբանւթյուն

Թողնել պատասխան

Ձեր էլ-փոստի հասցեն չի հրապարակվելու։

Հեղինակի մասին