ՀՀ պաշտպանության նախարար Սուրեն Պապիկյանը հայ-ադրբեջանական սահմաններին տիրող իրադրությանն առնչվող հարցեր է քննարկել Հարավային Կովկասի ու Վրաստանի ճգնաժամի հարցերով Եվրոպական միության հատուկ ներկայացուցիչ Տոյվո Կլաարի և ՀՀ–ում ԵՄ պատվիրակության ղեկավար, արտակարգ և լիազոր դեսպան Վասիլիս Մարագոսի հետ։ Այդ մասին հայտնում են ՀՀ ՊՆ մամուլի ծառայությունից։
«Հանդիպման ընթացքում քննարկվել են վերջին օրերի զարգացումների հետևանքով ստեղծված տարածաշրջանային անվտանգային իրավիճակին և հայ-ադրբեջանական սահմաններին տիրող իրադրությանն առնչվող հարցեր»,–նշված է ռազմական գերատեսչության հաղորդագրության մեջ։
Հիշեցնենք, որ Եվրոպական միության արտաքին հարաբերությունների և անվտանգության հարցերով բարձր ներկայացուցիչ Ժոզեպ Բորելը սեպտեմբերի 20-ին հայտնել էր, որ Տոյվո Կլաարը կայցելի տարածաշրջան։
Թողնել պատասխան