ԱՄՆ պետքարտուղար Էնթոնի Բլինկենը Ադրբեջանի նախագահ Իլհամ Ալիևի հետ հեռախոսազրույցում հորդորել է անհապաղ ապաշրջափակել Լաչինի միջանցքը [Բերձորի միջանցք]՝ առևտրային ապրանքների շարժը վերականգնելու և հումանիտար ճգնաժամի ռիսկը նվազեցնելու համար։ Տեղեկությունը հայտնում են Պետդեպարտամենտից։ Այդ մասին Բլինկենը գրառում է կատարել նաև իր թվիթերյան միկրոբլոգում։
Բլինկենն ընդգծել է, որ Բերձորի միջանցքի շուրջ ստեղծված իրավիճակի ծնած հումանիտար ճգնաժամը խաթարում է Հայաստանի և Ադրբեջանի միջև խաղաղության հեռանկարները։
«Պետքարտուղարը հորդորել է նախագահ Ալիևին կրկնապատկել ջանքերը Հայաստանի հետ երկկողմ խաղաղ բանակցություններում»,- ասվում է հայտարարության մեջ։
Բլինկենը նաև մտահոգություն է հայտնել Ադրբեջանում մարդու իրավունքների պահպանման վերաբերյալ։
Թողնել պատասխան